Versi di D. Marrocco Home page
Overamente v’avite pigliate
‘e ppatente, i vulisseve guidà?
overe ca ve site assai seccate,
a ppere, sempe a ppere a passià?
Vui paravàte assai cchiù mmegliu, quannu
Javate belle belle a ffa na sciuta,
tampechianne sì, ma senza rannu,
cu ‘a capu sfatturata, i cu ssaluta.
Mò, cu na machina, a novant’all’ora,
sùbbete, ‘e pressa vulite arrivà…
Ah! Pur’a vvuia, v’ha pigliatu allora
‘a freve e fui, ‘e corre, ‘e surpassà!
Mbè, nun fa niente, ma l’uocchie arapite,
nun ve ‘infilate subbete, aspettate!
nun facite ‘e currive, nun durmite,
sunate sempe, frenate, abbarate!
Vogliu veré, a ssi se ‘mpiccia l’accia,
comme facite, addò jate a pparà.
Sentite, i addò ‘a mettite ropp ’a faccia,
assì cu n’atu ve jate a tuzzà?…
Sarà bellu, gnorzì, ma ‘a ventulera
è brutt’a ffa, nun tite sempe fore.
‘O scistu costa, i costa ‘a cammarèra.
Ascite sulu quannu ‘intu se more.
Jàtece a ppere, quannu jate a’ messa,
jate a ppere, addò ‘a sarta i ‘a zerellara…
Uh Giesù miu, ma chi v’ha ra sta pressa?
ma che è? Avita corre addo ‘a mammara?
I me ne vacu père
catapère,
i campu sore sore ‘a vita mia…
Nun ‘e capiscu a ste guaglione overe…
Sciò sciò, sto senza ‘mpicci, arrassu sia!
Versi di D. Marrocco Home page